Thursday, 12 November 2015

പറയാൻ മറന്നവ..!​​



മഴമേഘം ആകാശം നിറയ്ക്കുമ്പോൾ കണ്ടില്ലെന്നു നടിച്ച കാഴ്ചകൾക്ക് ഉൾകണ്ണിൽ വല്ലാത്ത തെളിച്ചം. പെറുക്കിയെടുക്കാൻ ബാക്കിയായവ.. ദൂരേ പെയ്തൊഴിയാൻ ഓടിയപ്പോൾ ചിതറിപ്പോയ കുറേ മുത്തുകളും നിശ്ശ്വാസങ്ങളും..ഇടറിയ പാദങ്ങളോടെ കാതോർത്തത്‌ പിൻവിളിക്കായ് മാത്രം. മൌനത്തിൻറെ അടരുകളിൽ നീ കൂടേറിയപ്പോഴും കാത്തിരുന്നത് പൂർണമാവാത്ത വരിയുടെ ഓർമയിൽ. അകലങ്ങളിലെ വ്യഥ നിന്നക്കന്യമാണെങ്കിലും മിന്നൽപിണരുകൾ പോലെ അത് നിത്യവും എന്നെ തേടിയെത്തുന്നു. ഈ നിഴലുകളൊന്നും നിന്റെ വഴിത്താരയിൽ മുദ്ര പതിപ്പിക്കില്ല, തിരിച്ചുനല്കാനൊരു വാക്കും കരുതിയിരിക്കില്ല. ദൂരം തേടി തീരം തേടി നീ പോകുമ്പോൾ കാഴ്ച്ച മറയ്ക്കാൻ മഴനൂലിൽ വന്നിറങ്ങുന്ന മഴത്തുള്ളികൾ കൂട്ട്.

Saturday, 18 July 2015

Something from the pages


I hear Your flute calling me.
I long to drop all and rush to seek You
but when I try to move closer
I find my feet are bound by the heavy chains of this world
and they won't let me go
Only my anguished mind can try to seek You.

How many rivers of tear must I cry?
I desire not for any great gifts
But just to humbly love You always
I desire neither liberation nor immortality,
This You may give to others.
I am ready to take any number of births
To bear any number of sorrows
If You but promise to dwell in my heart always
And teach me to love You.

I search the empty skies-but I never see You
I turn around with my breath held in
anticipation but You are never behind me.
My tear drops are my constant companions
we wait together hoping one day to find You.


I do not ask for anything
But the touch of Your lotus feet
And love for You to keep me company always.
The lotus of my heart seeks its home with You
Let not this lonely flower wither away while waiting for You.

--- Sacred Journey

Saturday, 13 June 2015

ഉള്ളിൻറെ ഉള്ളിൽ

ബാല്യത്തിലെ നിറമേറിയ പ്രഭാതങ്ങളിലൊന്നിൽ നീ എന്നോട് മന്ത്രിച്ചു " താഴെ നിന്നാൽ എന്നെ കാണാൻ കഴിയില്ല, മുകളിലേക്ക് വരണം ". നിന്നിലേക്കുള്ള പാതയുടെ നീളവും വ്യാപ്തിയും അന്നത്തെപോലെ ഇന്നുമെനിക്കന്യം. എത്രയോ യോഗി വര്യന്മാർ നടന്നുകയറിയ ആ കല്പടവുകളിലൊന്നിൽ ചാരി പതിയേ കണ്ണുകളടച്ചപ്പോൾ മുന്നിൽ തെളിഞ്ഞത് വശ്യമായ രണ്ടു മിഴികൾ. നിൻറെ കണ്ണുകളിൽ ഞാൻ കണ്ടത് എന്നെതന്നെയായിരുന്നു. ആ നറുംപുഞ്ചിരിയിൽ മയങ്ങിയത് എന്നിലെ ഞാനായിരുന്നു. നിമിഷമാത്രയിൽ ഉള്ളിനുള്ളിലെ ആഴങ്ങളിലേക്കിറങ്ങി  'എന്നെ' മുങ്ങിയെടുക്കാൻ എങ്ങനെ കഴിഞ്ഞൂ നിനക്ക്? ചുറ്റുമുള്ള സകലതിനേയും വിസ്മൃതിയിലാഴ്ത്തിക്കൊണ്ട് സുന്ദരങ്ങളിൽ സുന്ദരമായതിനെ മാത്രം ഇപ്പോൾ കാണാം. ഒരായിരം ചോദ്യങ്ങളുമായി വന്ന മനസ്സും ഇതാ ആനന്ദനടനം തുടങ്ങി. വേണ്ടാ-ഇനിയൊന്നും, ഈ നിമിഷം മാത്രം, ഈ ലോകം മാത്രം സ്വന്തം. ഇല്ല, സ്വന്തമായൊന്നുമില്ല, എല്ലാം നിന്റേത് , നിന്റേതു മാത്രം ! 

Thursday, 4 June 2015

കാത്തിരിപ്പ്‌

നിന്നെ അറിയാതെ... നിൻറെ സാന്നിധ്യം ഈ പ്രപഞ്ചത്തിൽ ഉണ്ടെന്നു പോലും അറിയാതെ എത്രയോ ജന്മങ്ങൾ കൊഴിഞ്ഞുപോയ്‌. പിന്നീടു ഏതോ ഒരു നിമിഷാര്‍ദ്ധത്തില്‍ നിന്നെ തിരിച്ചറിഞ്ഞപോഴേക്കും പിന്നിട്ടത് എണ്ണിയാൽ തീരാത്ത ജന്മങ്ങൾ. ഒരു മാത്ര നിന്നെ ദർശിക്കാൻ പിന്നേയും ജന്മാന്ദരങ്ങളിലൂടെ നീണ്ട യാത്ര. ഇപ്പോഴും കാത്തിരിക്കുന്നു - ജനനമരണങ്ങൾക്കപുറത്തേക്ക് ഉറ്റു  നോക്കി - നിന്നിലേക്കെത്താൻ, ഹൃദയത്തിലറിയാൻ ! 


Wednesday, 4 June 2014

ഓർമകളിൽ ഒരു വസന്തകാലം

            ....പാലക്കാടൻ കാറ്റിൽ കിന്നാരം പറഞ്ഞാർത്തു തലതല്ലിച്ചിരിക്കുന്ന, പനമ്പട്ടകളെ പേറിയ കരിമ്പനക്കൂട്ടങ്ങൾ! ചാഞ്ഞുമയങ്ങുന്ന മഞ്ഞുതുള്ളികളിൽ, പൊന്നുചാലിച്ചു വീഴ്ത്തുന്ന. ഇലകളെപേറിയ അരയാൽക്കൂട്ടങ്ങൾ !


             ഋതുക്കളുടെ പെയ്തിറക്കത്തിന്റെയും തലമുറകളുടെ പടിയിറക്കത്തിന്റെയും വശ്യസ്മൃതിയിൽ മയങ്ങുന്ന, ചരിത്രമുള്ള മണ്ണിലെ സരസ്വതീ ക്ഷേത്രം ! മറക്കാനാവാത്ത തറവാട്ടിലേക്ക് കല്പടവുകളേറിചെല്ലവേ, ഓർമയിൽ വിടരുന്നത് ബാല്യത്തിന്റെ നിറമുള്ള ചിത്രങ്ങൾ...ഇഷ്ടികത്തൂണുള്ള വരാന്തകൾ നിറയുന്നതും സഹപാഠികളുടെ മുഖമവിടെ 
തെളിയുന്നതും എത്ര വേഗം! തീർന്നില്ലാ, ഇണക്കങ്ങൾ, പിണക്കങ്ങൾ, പൊട്ടിച്ചിരികൾ, പതിവിരിപ്പിടങ്ങൾ !!!


            ഓർമകൾക്ക് നീളമേറുമ്പോൾ, മുന്നിലെ ലോകം നിറമേറുന്നതാകുന്നു....ഒടുക്കം, ഒരു പടിയിറക്കത്തിൽ, ഒരു നിശ്ചലചിത്രത്തിലേക്കെല്ലാം ആവാഹിച്ചിറങ്ങിപ്പോരവേ, അറിയാതെ, ഒരിക്കൽ കൂടി തിരിഞ്ഞു നോക്കിയ രംഗം പോലും  മനസ്സിൽ തെളിയുന്നു...

ഇവിടമെനിക്ക് മറക്കാൻ കഴിയുന്നതെങ്ങിനേ......